ईन्जा डे भव्यताका साथ सम्पन्न

image9

उपप्रधानमन्त्री ईश्वर पोखरेलको प्रमुख आतिथ्यमा नेपालमा ईञ्जा दिवस सम्पन्न

 

मार्च १, २०२०
नेपाली पत्रकारहरुको अन्तर्राष्ट्रिय सञ्जाल (ईञ्जा)
केन्द्रीय कार्यालय
भर्जिनिया, अमेरिका


 नेपाली पत्रकारहरूको अन्तर्राष्ट्रिय सञ्जाल (ईन्जा) ले  मार्च १, २०२० का दिन नेपाल लगायत विश्वका विभिन्न देेेेेेेशहरूमा भिन्दाभिन्दै कार्यक्रम गरी ईन्जा डे भव्यताका साथ सम्पन्न गरेको छ।  यसै क्रममा नेपालमा पनि ईन्जाले आफ्नो स्थापना दिवस पुरस्कार वितरण तथा सहयोगसम्बन्धी कार्यक्रम गरी मनायो । 


 कार्यक्रममा यस वर्षको इन्जा सामुदायिक पत्रकारिता पुरस्कारबाट सम्मानित गरियो अछामकी पत्रकार मेनुका ढुंगाना र बाजुराका पत्रकार प्रकाश सिंहलाई ।  यो पुरस्कारको राशी एक हजार अमेरिकी डलर रहेको छ । ढुंगाना कान्तिपुर दैनिकमा प्रकाशित ‘म छाउपडी रिपोर्टर’ र सिंह हिमाल खबर साप्ताहिकमा प्रकाशित ‘कुपोषित बाजुरा’ शीर्षकका  

समाचारका लागि संयुक्त रूपमा पुरस्कृत हुनुभएको हो ।


यसैगरी १ हजार डलर राशीको इञ्जा स्रष्टा सम्मान नेपाली भाषाको झर्रोवादी आन्दोलनका अगुवा चुणामणि रेग्मी चुमरे लाई प्रदान गरियो।


कार्यक्रममा नेपाल टेलिभिजनका कार्यकारी अध्यक्ष डा. महेन्द्र विष्ट, राष्ट्रिय सुचना अयोगका पुर्व आयुक्त किरण पोख्रेल, न्यूज एजेन्सी नेपालकी अध्यक्ष कृष्णा पौडेल, समाचार पत्र दैनिकका सम्पादक कपिल काफ्ले, नेपाल प्रेस काउन्सिलकी सदस्य संगीता खड्का सम्मानित हुनुभयो ।


ब्लड क्यान्सरबाट पीडित पत्रकार कमल पौडेलको सहयोगार्थ उहाँकी पत्नी अम्बिका पौडेललाई विभिन्न व्यक्तिबाट गोफण्डमा सड्ड्कलित  १४ लाख ११ हजार २ सय ४४ हजार रुपैयाँ र कार्यक्रमस्थलमै सङ्कलित तीन लाख रूपैयाँ हस्तान्तरण गरिएको थियो ।


 अमेरिकादेखि यो कार्यक्रममा सहभागी हुन संस्थापक अध्यक्ष गुणराज लुइँटेल एक दिनअघि काठमाडौँ आइपुग्नुभएको थियो ।  कार्यक्रमको प्रमुख आतिथ्य रक्षा तथा उपप्रधानमन्त्री ईश्वर पोखरेलले गर्नुभयो भने अध्यक्षता एशिया च्याप्टरका अध्यक्ष टङ्क पन्तले ।


प्रमुख अतिथि उपप्रधानमन्त्री ईश्वर पोखरेलले ईन्जाको कार्यको प्रशंसा गर्दै निरन्तरताको अपेक्षा गर्नुभयो । ईन्जाका अन्तर्राष्ट्रिय अध्यक्ष गुणराज लुइँटेलले सो संस्थाले नेपाली पत्रकारलाई सहयोग गर्ने बताउनुभयो ।


कार्यक्रममा नेपाल पत्रकार महासङ्घका अध्यक्ष गोविन्द आचार्य, पूर्व अध्यक्ष महेन्द्र बिष्ट र पत्रकार तीर्थ कोइरालाले पनि बोल्नुभएको थियो ।


यसैगरी  नेपाली पत्रकारहरूको अन्तर्राष्ट्रिय सञ्जाल (ईञ्जा) ले आफ्नो मुख्यालय भर्जिनिया, अमेरिकामा समुदायका प्रतिनिधिहरु बिच आफ्नो दोस्रो बार्षिकोत्सब भव्यताका साथ मनाएको छ। मार्च १ का दिन ईञ्जा दिवस मनाउदै आएको इन्जाले वाशिंटन डिसी मेट्रो क्षेत्रका सामाजिक सस्थाका प्रतिनिधिहरु लगायतका समुदायका व्यक्तित्वहरुको आतिथ्यमा रात्री भोज सहितको पारिवारीक शुभकामना आदान प्रदानको भब्य कार्यक्रम आयोजना गरेको थियो। 


 कार्यक्रममा उपस्थित अतिथिहरुलाई स्वागत गर्दै ईञ्जाका संरक्षक राम चन्द्र खरेलले यति छोटो समयमा ईञ्जालाई बिश्वाश र भरोसा गरी अन्तराष्ट्रिय जगतमा परिचित गराउनु हुने सबैलाई धन्यबाद दिदै सस्थाले अबलम्वन गरेका नीति अनुरुपका गतिबिधिहरुलाई अगाडि बढाउन थप प्रेरणा मिलेको जानकारी गराउनु भयो। 


 कार्यक्रममा यस बर्षको ईञ्जा श्रष्टा सम्मान पुरस्कार तथा ईञ्जा सामुदायिक पत्रकारीता पुरस्कारका लागि आर्थिक सहयोग प्रदान गर्ने बरिष्ठ गीतकार तथा साहित्यकार अम्बिका गुरुङ्ग तथा सुनिता खत्रीलाई बरिष्ठ पत्रकार तथा ईञ्जाका संरक्षकद्वय राम चन्द्र खरेल र योगेश उपाध्यायले सम्मान गर्दै उहाहरुको योगदानकालागि धन्यवाद ज्ञापन गर्नु भएको थियो। 

 

ईञ्जाको अभियानमा आफुहरु सामेल हुन पाउदा र सहयोग गर्न पाउदा अत्यन्त खुशी लागेको बताउदै बरिष्ठ गीतकार तथा साहित्यकार अम्बिका गुरुङ्गले सन् २०२१ का लागि समेत १ हजार राशीको ईञ्जा श्रष्टा सम्मान पुरस्कारको सहयोगलाई निरन्तरता दिने घोषणा गर्नु भयो।


यसै गरी ग्रामिण पत्रकारहरुको अवस्था र उनीहरुको पिडामा आफु जानकार रहेको बताउदै समाजसेवी सुनिता खत्रीले असल र कर्मठ पत्रकारहरुलाई प्रोत्साहन गर्न सन् २०२१ का लागी १ हजार राशीको ईञ्जा सामुदायिक पत्रकारीता पुरस्कारलाई आफुले निरन्तरता दिने घोषणा गर्नु भयो।


काठमाण्डौमा आयोजित ईञ्जा डे का दिन यस वर्षको ईञ्जा श्रष्टा सम्मान पुरस्कार वरिष्ठ साहित्यकार तथा नेपाली झर्रोबादीका अगुवा चूडामणि रेग्मी (चुमरे) लाई प्रदान गरिएको थियो भने ईञ्जा सामुदायिक पत्रकारिता पुरस्कार अछामकी पत्रकार मेनुका ढुंगाना र बाजुराका पत्रकार प्रकाश सिंहलाई प्रदान गरिएको थियो।


 कार्यक्रममा ईञ्जा ग्लोबलका गतिबिधिहरुका बारेमा जानकारी गराउदै ईञ्जा ग्लोवलका बरिष्ठ उपाध्यक्ष विष्णु शितलले विश्वभरी छरिएर रहेका पत्रकारहरुलाई समेटी उनीहरुको क्षमता अभिबृदी गर्दै मर्यादित पत्रकारीताको गन्तब्य तर्फ ईञ्जा अग्रसर हुदै गरेका बताउनु भयो। 


 यसैगरी ईञ्जा मुख्यालयका बरिष्ठ उपाध्यक्ष सुनिल मणि दाहालले ईञ्जाले पत्रकारहरुको हितकालागि नीतिगत सहमति बनाएको र उपचार गर्न नपाएर कुनै पनि पत्रकारहरु मर्न नपरोस भन्ने अभियानलाई बिश्वब्यापी रुपमा व्यापकता दिएको बताउदै क्यान्सर पिडित पत्रकार कमल पौडेलको स्वास्थ उपचारमा सहयोग पुर्याउन ईञ्जा , डिसि नेपाल डट कम र इनेप्लिज डटको संयुक्त आयोजनामा संकलन गरिएको १४ लाख ११ हजार २ सय ४४ रुपैयाँ पत्रकार पौडेलको परिवारलाई हस्तानतरण गरिएको जानकारी गराउनु भयो। ‘पत्रकार बचाउ’ अभियानमा विश्वव्यापी रुपमा सक्रिय भै सहयोग गर्दै आउनु हुने सबैलाई धन्यवाद दिदै ‘पत्रकार हित कोष ‘ का लागि ईञ्जाले काम गर्ने नीति लिएको बरिष्ठ उपाध्यक्ष दाहालले जानकारी गराउनु भयो। 


 यसैगरी ईञ्जाले अबलम्वन गरेका नीतिहरु र बर्तमान गतिबिधिहरुका बारेमा चर्चा गर्दै बरिष्ठ उपाध्यक्ष दाहालले सामुदायिक पत्रकारीताको बिकासका लागि संचारकर्मीहरुले समुदायका गतिबिधिहरुमा सहयोगी भूमिका निर्वाह गर्दै आएको बताउनु भयो।  समुदाय रुपान्तरणमा पत्रकारहरुको उल्लेखनीय भूमिका रहने चर्चा गर्दै दाहालले समुदायप्रति प्रत्रकारहरुको उत्तरदायित्वको संदेश सहितको नेपाली भाषा सिकाउने “छुनुमुनु” नामक एप्लिकेशनको निर्माणको कार्य जारी रहेको र यस कार्यकालागि पहिलो चरणमा वालवालिकाहरुकालागि उपयोगी हुने भाषागत सामाग्री तयार पार्न विज्ञका रुपमा रही कार्य गर्न बरिष्ठ पत्रकार केदार शर्मालाई जिम्मेवारी दिईएको दाहालले जानकारी गराउनु भयो । 


 सैगरी अमेरिकामा स्थापित सामाजिक संघ संस्थाहरुको तथ्याङ्क तथा समुदायमा पुर्याएको योगदानको अध्ययनकालागी कार्य जारी रहेको र यस कार्यमा कलेजमा अध्ययनरत बिद्यार्थीहरुले सहयोगका लागि चासो देखाएको जानकारी गराउदै बरिष्ठ उपाध्यक्ष दाहालले ईञ्जा दिवस २०२० का उपलक्षमा सबैलाई शुभकामना व्यक्त गर्नु भयो। 


 ईञ्जाको दोश्रो बार्षिकोत्सवका उपलक्षमा बरिष्ठ पत्रकार सोमनाथ घिमिरेले ईञ्जाका गतिबिधिहरुले आफु प्रभावित भएको र आगामी दिनहरुमा पनि ईञ्जाले सामुदायिक पत्रकारीता लगायत पत्रकारहरुको हितमा योगदानका कार्यक्रमहरुलाई विश्वव्यापीकरण गर्न सकोस भनी शुभकामना दिनु भयो। 


 यसैगरी ईञ्जाको दोश्रो बार्षिकोत्सवका उपलक्षमा समुदायका प्रतिनिधिहरु मध्यबाट अमेरिका नेपाली सोसाइटिकी प्रेसिडेण्ट प्रभा भट्टराई , अनेसास डिसी च्याप्टरका अध्यक्ष भुपनारायण घर्तिमगर, अनेसास ट्रष्टी कमिटिका तर्फबाट डा गोपी उप्रेती, नेपाल अमेरिका सामुदायिक केन्द्रका अरुण रुपाखेती तथा डा मदन उप्रेती, बरिष्ठ पत्रकार, कवि तथा साहित्यकार हरि अधिकारी तथा ब्यबसायी तथा समाजसेवी अर्जुन दाहालले ईञ्जाको सफलताका लागि शुभकामना दिनु भएको थियो। 


 बरिष्ठ पत्रकार तथा ईञ्जाका संरक्षक योगेश उपाध्यायले ईञ्जाका गतिबिधिहरुबाट आफु सन्तुष्ट भएको र कमि कमजोरीहरु सुधार्दै ईञ्जा अगाडि बढनु पर्ने धारणा राख्दै ईञ्जा दिवसमा उपस्थित समुदायका अगुवा पाउनाहरुलाई धन्यवाद ज्ञापन गर्नु भएको थियो। 


 कार्यक्रमलाई डिसी नेपाल डट कम तथा ईनेप्लिज डट कमले लाईभ प्रसारण गरका थिए भने कार्यक्रम संचालन ईञ्जा ग्लोवलका बरिष्ठ उपाध्यक्ष विष्णु शितलले गर्नु भएको थियो। 




 


image10

अमेरिकामा ईञ्जा दिवस सम्पन्न – आगामी बर्षका लागि सामुदायिक पत्रकारीता तथा श्रष्टा सम्मान पुरस्कार सहयोगको घोषणा

 

 

image11

ईञ्जा पुरस्कार तथा सम्मान प्राप्त व्यक्तित्वहरु

.

image12

ईञ्जा सामुदायिक पत्रकारीता पुरस्कार र स्रस्टा पुरस्कार बितरण

image13

इञ्जा स्रष्टा सम्मान नेपाली भाषाको झर्रोवादी आन्दोलनका अगुवा चुणामणि रेग्मी चुमरे

image14

ब्लड क्यान्सरबाट पीडित पत्रकार कमल पौडेलको सहयोगार्थ उहाँकी पत्नी अम्बिका पौडेललाई सहयोग हस्तान्तरण

प्रेस विज्ञप्ति -ईञ्जा जापान गठन

image15

 

फेरबरी २९ , २०२०
नेपाली पत्रकारहरुको अन्तर्राष्ट्रिय सञ्जाल (ईञ्जा)
केन्द्रीय कार्यालय
भर्जिनिया, अमेरिका
 

जापानमा विभिन्न संचार माध्यमहरुमा आवद्ध नेपाली पत्रकारहरुको सहभागितामा नेपाली पत्रकारहरुको अन्तराष्ट्रिय सञ्जाल ईञ्जा- जापान गठन गरिएको छ ।

मार्च १ - ईञ्जा स्थापना दिवसको अवसर पारेर एसिया कमिटिका उपाध्यक्ष समेत रहेका आनन्द कोइरालाको अध्यक्षतामा १७ सदस्यीय ईञ्जा-जापान समिति गठन गरिएको हो। ईञ्जा जापान उपाध्यक्षद्वयमा राजबिन थापा र राजन गौतम, सचिवमा दिपक गौतम रहेका छन भने सदस्यहरुमा क्रमश खडग गुरुङ, पूर्ण चलाउने, नारायण रिमाल, शान्त पहरी, विरेन्द्र केसी, खगराज गौतम, सचिन आचार्य, किरण पाण्डे, विश्वास आचार्य, इन्दिरा  खनाल , निशान राना, राम तामाङ र लक्ष्मी पौडेल रहेका छन।


यस्तै जापान कमिटिको सल्लाहकारमा जिज्ञानकुमार थापा, चन्द्र खनाल, कविकिरण न्यौपाने र मोहन घलेलाई चयन गरिएको छ। नव गठिन समितिले ईञ्जाको विधानमा रहि एकवद्ध हुदै नेपाली समुदायको हितका लागि काम गर्ने प्रतिवद्धता राखेको छ।


नबगठित ईञ्जा जापानका पदाधिकारीहरुलाई ईञ्जा मुख्यालय हार्दिक वधाइ ज्ञापन गर्दै सफल कार्यकालकालागि शुभकामना व्यक्त गर्दछ ।  धन्यवाद।
 

सुनिलमणी दाहाल
वरिष्ठ उपाध्यक्ष, ईञ्जा मुख्यालय
भर्जिनिया, अमेरिका


पत्रकार कमल पौडेलको स्वास्थ उपचारमा सहयोग गर्न अनुरोध

image16

विराटनगरवाट सञ्चालित मकालु टेलिभिजनका समाचार प्रमुख कमल पौडेल व्लड क्यान्सरवाट पीडित भइ हाल काठमाडौको सिभिल हस्पिटलमा उपचार गराइरहनु भएको छ ।


जनआस्था साप्ताहिकवाट पत्रकारिता सुरु गर्नुभएका पत्रकार पौडेल नेपाल समाचारपत्र दैनिकमा वरिष्ठ सहसम्पादकको रुपमा लामो समय क्रियाशिल हुनुहुन्थ्यो । विराटनगरका स्थानीय क्याम्पसहरुमा प्राध्यापन समेत गर्दै आउनु भएका पत्रकार पौडेललाई उपचारार्थ करिव ३० लाख रुपिंया लाग्ने अस्पताल प्रशासनले वताएको छ । 


उहांका पत्नी, दुइ छोरा र एक छोरी छन् । यो कठिन परिस्थितिमा पत्रकार पौडेललाई सहयोग गर्न नेपाली पत्रकारहरुको अन्तराष्ट्रिय सञ्जाल (ईन्जा) , डिसी नेपाल डटकम तथा इनेप्लिज परिवार सम्पूर्ण महानुभावहरुलाई अनुरोध गर्दछ । 


सहयोग गर्न का लागी गो फण्डमी को लिङ्क : https://www.gofundme.com/f/help-journalist-kamal-poudel?utm_source=facebook&utm_medium=social&utm_campaign=m_pd+share-sheet&fbclid=IwAR3Xh24vRxDiHD_qycSokyx_Ek_VlDQPNgFRrT7hQ7DZD1xNopvxxJOEGc8

सहयोगको लक्ष्य ः २०,००० डलर 

सहयोग वन्द हुने मिति ः फेव्रुअरी २३, २०२०

आयोजक/क्याम्पेनर: ईन्जा, डिसीनेपाल, इनेप्लिज

ईञ्जा श्रष्टा सम्मान र सामुदायिक पत्रकारिता पुरस्कार घोषणा

वरिष्ठ साहित्यकार चुडामणी रेग्मी, पत्रकार मेनुका ढुंगाना तथा पत्रकार प्रकाशसिंह

नेपाली झर्रोवादी आन्दोलनका अगुवा तथा वरिष्ठ साहित्यकार चुडामणी रेग्मी, पत्रकार मेनुका ढुंगाना तथा पत्रकार प्रकाशसिंह

 

फेरबरी १४, २०२०
नेपाली पत्रकारहरुको अन्तर्राष्ट्रिय सञ्जाल (ईञ्जा)
केन्द्रीय कार्यालय
भर्जिनिया, अमेरिका
 

नेपाली पत्रकारहरुको अन्तराष्ट्रिय सञ्जाल (ईञ्जा)  द्वारा स्थापित यसवर्षको ईञ्जा सामुदायिक पत्रकारिता पुरस्कार अछामकी पत्रकार मेनुका ढुंगाना र वाजुराका पत्रकार प्रकाशसिंहले संयुक्तरुपमा प्राप्त गर्नुभएको छ । एक हजार अमेरिकी डलर राशीको सो पुरस्कार पत्रकार ढुंगानाको कान्तिपुर दैनिकमा प्रकाशित ‘म छाउपडी रिपोर्टर’ र पत्रकार सिंहको हिमाल साप्ताहिकमा प्रकाशित ‘कुपोषित वाजुरा’शीर्षक आलेखले प्राप्तगरेका हुन्।


 सन् २०१९ भरीमा प्रकाशित ३ सय ५१ वटा समाचार तथाफिचर प्रतिश्पर्धामा सामेल थिए वरिष्ठ पत्रकारहरु तीर्थकोइराला, टंक पन्त र किशोर सापकोटाको छनौट समितिले निर्धारण गरेको मापदण्ड अनुरुप दुवै आलेखले वरावर नम्वर प्राप्त गरेकोले संयुक्त रुपमा पुरस्कृत गर्ने निर्णय भएको हो । पत्रकार ढुंगानाको ‘म छाउपडी रिपोर्टर’ आलेखमा छाउपडी कुप्रथाले निम्त्याएको सामाजिक संकट र सो सम्वन्धी समाचार संकलनकाक्रममा उत्पन्न चुनौतिहरुको चित्रण गरिएको छ । छाउपडी विरुद्धमा सक्रिय रुपमा कलम चलाउंदै आएकी ढुंगानासंगआफैपनि छाउपडीमा वसेको तीतो अनुभव छ। 

 

पत्रकार सिंहको ‘कुपोषित वाजुरा’ शीर्षक आलेखमा वाजुरामा कुपोषणको कहाली लाग्दो चित्र प्रस्तुत गरिएको छ जसले नेपालका धेरै जिल्लाहरुको अवस्थाको प्रतिनिधित्व गर्दछ ।


यसैगरी १ हजार अमेरिकी डलर राशीको यसवर्षको इञ्जा श्रष्टा सम्मान पुराना पत्रकार, वरिष्ठ साहित्यकार तथा प्राध्यापक ८३ वर्षीय चुडामणी रेग्मी (चुमरे) लाई प्रदान गर्ने निर्णय गरिएको छ । नेपाली झर्रोवादी आन्दोलनका अगुवा रेग्मीलाई धेरैले ‘पूर्वको मोतीराम’भनेर सम्मान गर्ने गर्छन । झापाको युगज्ञान साप्ताहिकवाट पत्रकारिताको सुरुवात गर्नुभएका रेग्मीले यथार्थ कुरा पाक्षिककोसम्पादन गर्नुका साथै साहित्यिक त्रैमासिक जुही प्रकाशन समेत गर्नु भएको थियो भने आफ्नो जीवनको अधिकांस समय साहित्यिक गतिविधिमा विताउनु भएको छ । झापावाट चर्चित भएका धेरै साहित्यकारहरुलाई प्रोत्साहित गर्न जुहीले अत्यन्त महत्वपूर्ण भूमिका खेलेको थियो ।

 

ईञ्जाका वरिष्ठ उपाध्यक्ष सुनिलमणी दाहाल, साहित्यकारअम्विका गुरुङ र अनेशास डिसी कमिटी अध्यक्ष भूपनारायण घर्तीमगर रहेको समितिले वरिष्ठ साहित्यकार रेग्मीलाई पुरस्कृतगर्ने निर्णय गरेको हो ।

सो पुरस्कार तथा सम्मान आगामी मार्च १, २०२० मा काठमाडौंमा आयोजना हुने ईञ्जा दिवस समारोहमा प्रदान गरिने कार्यक्रम रहेको छ। नेपाली पत्रकारहरुको अन्तराष्ट्रिय सञ्जाल (ईञ्जा) पुरस्कार तथा सम्मान प्राप्त गर्ने पत्रकार तथा साहित्यकारहरुलाई हार्दिक वधाइ ज्ञापन गर्दछ । धन्यवाद।
 

सुनिलमणी दाहाल
वरिष्ठ उपाध्यक्ष
भर्जिनिया, अमेरिका

image17

पत्रकार मेनुका ढुंगाना

image18

पत्रकार प्रकाशसिंह

ईन्जा सामुदायिक पत्रकारिता पुरस्कारकालागि आवेदन आह्वान

image20

ईन्जा सामुदायिक पत्रकारिता पुरस्कारकालागि आवेदन आह्वान

जनवरी ३, २०२०  

नेपाली पत्रकारहरुको अन्तर्राष्ट्रिय सञ्जाल (ईञ्जा)

केन्द्रीय कार्यालय

भर्जिनिया


प्रिय पत्रकार तथा लेखक मित्रहरु,

नेपाली पत्रकारहरुको अन्तर्राष्ट्रिय सन्जाल (ईन्जा) द्वारा प्रदान गरिने १ हजार अमेरिकी डलर राशीको ईन्जा सामुदायिक पत्रकारिता पुरस्कारकालागि जनवरी १ , २०२० वाट आवेदन खुल्ला भइसकेको छ। त्यसैले इच्छुक पत्रकार तथा लेखकहरुले सन् २०१९ भरीमा प्रकाशित वा प्रसारित समुदायको विकास वा परिवर्तनलाई पैरवी गर्ने आफ्ना समाचार, फिचर वा यात्रा विवरणहरुको प्रति वा अनलाइन लिंक सामेल गरी जनवरी महिनाभरीमा (जनवरी ३१,२०२०भित्र) ईन्जा ग्लोवलको इमेल  : info@injaglobal.org मा आवेदन पठाइ सक्नुपर्नेछ । मोफसलमा भएका कतिपय पत्रकार तथालेखकहरुसम्म यो सुचना पुग्न नसक्ने अवस्थालाई समेत मध्यनजर गरेर अरुको सामाग्री पनि सिफारिस गरेर आवेदन गर्न पाइने व्यवस्था गरिएको छ । कुनै सिफारिसकर्ताले सिफारिस गरेको सामाग्री पुरस्कृत भएमा सिफारिसकर्तालाई समेत सम्मानस्वरुप १ सय अमेरिकी डलरको पुरस्कार दिइने छ। 


ईन्जा सामुदायिक पत्रकारिता पुरस्कार सन् २०२० मार्च १ मा काठमाडौमा आयोजना हुने कार्यक्रममा प्रदान गरिनेछ । प्राप्त आवेदनहरुवाट उत्कृष्ट सामाग्री चयन गर्न वरिष्ठ पत्रकारहरु तीर्थ कोइराला, टंक पन्त र किशोर सापकोटा रहेको एक छनौट समिति समेत गठन गरिएको छ । 


ईन्जाले मार्च १ लाई ‘इन्जा डे ‘ को रुपमा संसारभर मनाउने निर्णय गर्दै आगामी वर्षदेखि सम्पूर्ण पुरस्कारहरु सोही मितिमा प्रदान गर्ने निर्णय गरेको छ । धन्यवाद।



ईञ्जा कार्यसमिति पुनर्गठन-पुरस्कारका लागि आवेदन आह्वान

image21

प्रेस बिज्ञप्ति- ईञ्जा कार्यसमिति पुनर्गठन -पुरस्कारका लागि आवेदन आह्वान

डिसेम्वर २७ , २०१९
नेपाली पत्रकारहरुको अन्तर्राष्ट्रिय सञ्जाल (ईञ्जा)
केन्द्रीय कार्यालय
भर्जिनिया, अमेरिका
 

नेपाली पत्रकारहरुको अन्तर्राष्ट्रिय सञ्जाल (ईञ्जा) ले आगामी दुई वर्षका लागि ग्लोवल कमिटी र युरोप तथा एशिया महादेशीय कमिटीहरुको चयन गरेको छ ।
 

वरिष्ठ पत्रकार गुणराज लुइटेलको अध्यक्षतामा निर्वाचित ग्लोवल कमिटीको वरिष्ठ उपाध्यक्षहरुमा सुनिलमणि दाहाल (सचिवालय) र विष्णु शीतल (अन्तराष्ट्रिय समन्वय) हुनुहुन्छ । उपाध्यक्षमा वरिष्ठ पत्रकारहरु टंक पन्त (एशिया), ददी सापकोटा (युरोप) र मनऋषि धिताल (अष्ट्रेलिया) हुनुहुन्छ।
 

ईञ्जा ग्लोवलको संरक्षकमा राम खरेल र योगेश उपाध्याय रहनुभएको छ भने सल्लाहकारमा नेपालका लागि अमेरिकाका पूर्व राजदुत स्कट एच डेलिसी, नेपाल पत्रकार महासंघका पूर्व सभापति तथा फ्रिडम फोरमका अध्यक्ष तारानाथ दाहाल, वरिष्ठ पत्रकार तीर्थ कोइराला, वरिष्ठ पत्रकार गंगा लामिटारे (अधिकारी) र सामुदायिक रेडियो अभियन्ता घमराज लुइटेल, हुनुहुन्छ ।
 

ईञ्जा ग्लोवल कमिटीको निर्देशकमा किशोर सापकोटा (संगठन), अनुराधा पौडेल (नीति निर्माण तथा प्रशिक्षण), विजय थापा (सञ्चार) र भक्त घिमिरे (अन्तरदेशीय समन्वय) चयन हुनुभएको छ।
 

कमिटीको महासचिवमा शिव विष्ट, सचिवमा दीपक रिजाल र कोषाध्यक्षमा वर्षा भुजेल हुनुहुन्छ । कोषाध्यक्ष भुजेलले फ्रेन्डस अफ ईञ्जा, अमेरिकाको इञ्चार्जको भूमिका समेत निर्वाह गर्नुहुनेछ ।
 

ईञ्जाका सदस्यहरुमा अमेरिकावाट विष्णु शर्मा, भूपेन थापा, भोला सिवाकोटी, ज्योति कुमार श्रेष्ठ, विश्व थापा, उमेश शर्मा, सिर्जन ताम्राकार, राम लामा अभिनासी, सिर्जना उप्रेति, अंकुश नेपाल, तारा भट्टराई, सुनिल हुमागाइ, डोव ढकाल, खेम भट्टचन, र पूर्णसिंह वराइली, क्यानाडावाट डा। किश्मत भण्डारी र वद्री तिमिल्सिना, चीनवाट ध्रुब पौडेल, नेपालवाट कृष्ण ढुंगाना, रीता सापकोटा, र विनेश खनाल, भारतवाट भरत पौडेल र मध्यपूर्ववाट सुवास शर्मा र तेज वहादुर थापा चयन हुनुभएको छ।

 

ईञ्जा युरोपको चयन:
 

वरिष्ठ पत्रकार ददी सापकोटा (फ्रान्स) को अध्यक्षतामा ईञ्जा युरोपको चयन भएको छ। वरिष्ठ पत्रकारहरु भगीरथ योगी र थानेश्वर सापकोटा सल्लाहकार रहेको इन्जा युरोपको वरिष्ठ उपाध्यक्षमा लक्ष्मण देवकोटा (स्वीजरल्याण्ड), उपाध्यक्ष टुवल सापकोटा (जर्मनी), महासचिव दीपक धिताल (जर्मनी), सचिव निराजन श्रेष्ठ (स्विजरल्याण्ड), र कोषाध्यक्ष निलम घिमिरे (वेल्जियम) रहनुभएको छ। ईञ्जा युरोपको सदस्यहरुमा श्रीभक्त खनाल (वेलायत), विजय शर्मा दर्पण (स्पेन), दीपक खतिवडा (पोर्चुगल),  बिष्णु शर्मा (पोर्चुगल) र जयराम तामाड (वेलायत) हुनुहुन्छ । 


ईञ्जा युरोप टिम - भिडियो 

 

ईञ्जा एसिया तर्फ:
 

वरिष्ठ पत्रकार टंक पन्तको अध्यक्षतामा रहेको ईञ्जा एशियाको वरिष्ठ उपाध्यक्षमा नारायण न्यौपाने  हुनुहुन्छ भने उपाध्यक्षहरुमा दीपक पुडासैनी (कतार), आनन्द कोइराला (जापान), र मञ्जु गुरुङ (कोरिया) हुनुहुन्छ । महासचिवमा दीपेन्द्रदोङ तामाङ, सचिवमा खेमकुमारी पोख्रेल (दीपु) र कोषाध्यक्षमा रामकुमार कामत  चयन हुनुभएको छ । ईञ्जा एशियाको सदस्यहरुमा विकास थपलिया, रामप्रसाद भण्डारी, अर्जुन सापकोटा, लीला उपाध्याय, बिशाल गैरे र अनिल आचार्य हुनुहुन्छ ।
 

(१) पुरस्कारका लागि आवेदन आह्वान

(क) सामुदायिक पत्रकारिता पुरस्कार २०१९:
 

ईञ्जाद्वारा प्रदान गरिने १ हजार अमेरिकी डलर राशीको सामुदायिक पत्रकारिता पुरस्कारका लागि ईञ्जाले सन् २०१९ भरीमा प्रकाशित वा प्रसारित आ-आफ्ना समाचारहरुको प्रति सामेल गरी आवेदन दिन सम्पूर्ण इच्छुक पत्रकारहरुलाई आह्वान गरेको छ । पुरस्कार प्राप्त गर्नका लागि इच्छुक पत्रकारहरुले २०२० को जनवरी ३१ भित्रमा ईञ्जा मुख्यालयको इमेल info@injaglobal.org मा आफ्नो प्रकाशित प्रसारित समाचार पठाइसक्नु पर्नेछ। ईञ्जा अन्तरराष्ट्रिय पत्रकार पुरस्कार २०१९ भने यसअघि नै हाम्राकुरा डटकमका सम्पादक अजयवावु सिवाकोटीलाई प्रदान गरिसकिएको छ ।
 

ईञ्जा सामुदायिक पत्रकारिता पुरस्कार सन् २०२० मार्च १ मा काठमाडौमा आयोजना हुने कार्यक्रममा प्रदान गरिने छ । प्राप्त आवेदनहरुवाट उत्कृष्ट समाचार चयन गर्न वरिष्ठ पत्रकारहरु तीर्थ कोइराला, टंक पन्त र किशोर सापकोटा रहेको एक छनोट समिति समेत गठन गरिएको छ ।
 

ईञ्जाले मार्च १ लाई “ईञ्जा डे” को रुपमा संसारभर मनाउने निर्णय गर्दै आगामी वर्षदेखि सम्पूर्ण पुरस्कारहरु सोही मितिमा प्रदान गर्ने निर्णय गरेको छ ।
 

(ख) स्रष्टा सम्मान पुरस्कार २०२०:
 

ईञ्जाले प्रदान गर्ने १ हजार अमेरिकी डलर राशीको स्रष्टा सम्मान पुरस्कारका लागि छनौट गर्न साहित्यकार तथा बरिष्ठ गीतकार श्रीमती अम्विका गुरुड, इन्जा वरिष्ठ उपाध्यक्ष सुनिलमणी दाहाल र अनेशास डिसी कमिटी अध्यक्ष श्री भूपनारायण घर्तिमगर रहेको समिति समेत गठन गरिएको छ। यस समितिले ईञ्जा ब्यबस्थापन समितिले बनाएको प्रकृया अनुरुप आवेदन पेश गर्न समय तालिका सार्वजनिक गर्नेछ।
 

(ग) सामुदायिक नेतृत्व पुरस्कार २०१९:
 

यसैगरी प्रवासका नेपाली समुदायका हितमा राम्रो काम गर्ने संघ सस्थालाई थप प्रोत्साहन गर्न प्रत्येक बर्ष १ हजार अमेरिकी डलर राशीको पुरस्कारबाट पुरस्कृत गरिने छ। यो पुरस्कार प्रवासमा स्थापित सामाजिक सस्थाबाट सन् २०१९ मा समुदायलाई उच्च सेवा प्रदान गर्न सफल सामाजिक सस्थालाई प्रदान गरिने छ । ईञ्जा ब्यबस्थापन समितिले बनाएको छनौट विधि अनुरुप आवेदन आह्वान गर्न र छनौट गर्न प्राध्यापक श्री तारा निरौलाको संयोजकत्वमा ईञ्जा ग्लोबलका बरिष्ठ उपाध्यक्ष विष्णु शीतल, महासचिव शिव बिष्ट, ईञ्जाका सदस्यहरु तारा भट्टराई तथा ज्योति कुमार श्रेष्ठ सहितको छनौट समिति गठन गरिएको छ।
 

(२) अमेरिकामा स्थापित सामाजिक संघ संस्थाहरुको तथ्याङ्क तथा समुदायमा पुर्याएको योगदानको अध्ययन:
 

यस अध्ययनकालागी ईच्छुक विज्ञहरुबाट अमेरिकाका अनलाईन मिडिया मार्फत प्रस्ताव आह्वान गरिने छ । तोकिए अनुसार प्राप्त हुने प्रस्ताव मध्ये उचित प्रस्तावलाई छनौट गरी कार्य जिम्मेवारी प्रदान गर्ने अधिकार ईञ्जा ब्यबस्थापन समितिमा रहनेछ। यस कार्यक्रमको अनुगमन तथा ब्यबस्थापन समितिमा रिपोर्टिङ्गका लागि ईञ्जाका सदस्य बिष्णु शर्मालाई तोकिएको छ।   
 

(३) समुदाय प्रति प्रत्रकारहरुको उत्तरदायित्वको संदेश सहितको नेपाली भाषा सिकाउने “छुनुमुनु" नामक एप्लिकेशनको निर्माण:
 

यस कार्यक्रमकालागि आवस्श्यक मोबाईल एप निर्माण गरी सो भित्र साना वालवालिकाहरुका लागि नेपालीभाषा सिकाउन आवस्यक सामाग्रीहरुको बिषय सूची अनुसार कार्टुन तथा एनिमेशन भिडियोहरु निर्माण गरिने तथा युटुब लगायत अन्य साईट्मा उपलब्ध हुने सामाग्रीहरुको प्रयोग गरिने छ।

सुरुवाती अवस्था तथा  पहिलो चरणमा वालवालिकाहरुकालागि उपयोगी हुने भाषागत सामाग्री तयार पार्न विज्ञका  रुपमा रही कार्य गर्न बरिष्ठ पत्रकार केदार शर्मालाई जिम्मेवारी दिने निर्णय गरिएको छ। 
 

(४) मर्या्दित पत्रकारिताको ब्यबस्थापनका लागि ईञ्जा ईथिक्सको निर्माण:
 

यस कार्यक्रम अन्तर्गत नेपाली पत्रकारहरुको गोलमेच सम्मेलन गरी ईञ्जा इथिक्सको निर्माण गरिने छ। ईञ्जाका एसिया , युरोप , अस्ट्रेलिया तथा अमेरिकी क्षेत्रमा सम्बन्धित क्षेत्रीय संयोजकको संयोजनमा नेपाली पत्रकारहरुको गोलमेच सम्मेलन गरी ईञ्जा इथिक्स जारी गरिने छ। 
 

(५) इन्जा विस्तार कार्यक्रम अन्तर्गत ईञ्जा अस्ट्रेलिया को संरचना निर्माणकालागि उपाध्यक्ष श्री मनऋषि धिताललाई जिम्मा दिई पुर्ण संरचना छिट्टै निर्माण गरिने छ। 
 

अन्तमा,  ईञ्जा प्रति विश्वाश तथा सदभाव राखि निरन्तर सहयोग पुर्याउदै आउने भएका सबै शुभचिन्तकहरु प्रति हामि आभारी छौ।  ईञ्जा परिवार नयाँ बर्ष २०२० को हार्दिक शुभकामना ब्यक्त गर्दछ।
 

ईञ्जा केन्द्रीय कार्यालय
भर्जिनिया, अमेरिका। 


ईन्जाको आफ्नो मार्ग चित्र सार्वजनिक, समुदाय बिचको सहकार्यको

image22

प्रेस बिज्ञप्ति- ईन्जाको आफ्नो मार्ग चित्र सार्वजनिक, समुदाय बिचको सहकार्यको शूरुवात

भर्जिनिया। नोभेम्वर १८
 

नेपाली पत्रकारहरुको अन्तराष्ट्रिय सञ्जाल-ईन्जा) ले विदेशमा रहेका नेपाली समुदायसंगको साझेदारी कार्यक्रम आइतवार र्सार्वजनिक गरेको छ ।अमेरिकाको भर्जिनियामा आइतवार समुदायकोलागि आयोजित वेनिफिसिय लन्चन कार्यक्रममा ईन्जाले सामुदायिक पत्रकारिता र सामुदायिक दायित्व मार्फतआफुलाई समाजसंग जोड्ने घोषणा गरेको हो।
 

ईन्जाले र्सार्वजनिक गरेको कार्यक्रमलाई सहयोग पुर्याउने उदेश्यले कार्यक्रममा उपस्थित व्यक्ति तथा संस्थाहरुले करिव २० लाख रुपिया (१८ हजार ३ सय१२ डलर) सहयोग प्रदान गर्नुभएको थियो । ईन्जाले समुदायलाई सहयोग पुग्ने गरी सामुदायिक पत्रकारिताको तालिम प्रदान गर्ने, विदेशमा रहेका नेपाली वालवालिकाहरुलाई नेपाली भाषा सिकाउन बालसंचार कार्यक्रम अन्तर्गत “छुनुमुन” नामक अनलाइन एप्लिकेशनको विकास गर्ने, सामुदायिक पत्रकारिताको प्रबर्दनका लागि अनलाइन स्थापनामा सहयोग पुर्याउने, नेपालीभाषा र संस्कृतिको प्रबर्दन गर्न समुदायसंग साझेदारी गर्ने लगायतका रहेका छन् ।
 

ईन्जाको अभियानलाई अगाडि वढाउन सोही कार्यक्रममा विभिन्न दाताहरुले वार्षिक सहयोग पुर्याउने प्रतिवद्धता समेत व्यक्त गरेका छन् । वालवालिकालाई नेपाली भाषा र संस्कृति सिकाउने ईन्जाको बाल संचार कार्यक्रम अन्तर्गत  “छुनुमुनु एपको विकासको लागि भर्जिनिया निवासी गितकार अम्विका गुरुङ रअनलाइन पोर्टल व्रेक एण्ड लिंकसले सहयकार्य गर्ने भएका छन् ।
 

भर्जिनिया निवासी व्यवसायी तथा पत्रकार सुनिता खत्रीले सामुदायिक पत्रकारिता पुरस्कारका लागि इन्जासंग सहकार्य गर्न हरेक दुइ वर्ष १,१११ डलर सहयोग गर्ने प्रतिवद्धता व्यक्त गर्नुभएको छ भने साहित्यको क्षेत्रमा क्रियाशिल व्यक्तित्वलाई हरेक वर्ष पुरस्कृतगर्ने स्रष्टा सम्मानका लागि गितकारअम्विका गुरुङले सन् २०२० का लागि १ हजार १ डलर सहयोगप्रदान गर्ने घोषणा गर्नुभएको छ ।
 

ईन्जाले समुदायको सहयोगमा प्रदान गरिने पुरस्कारहरुको कार्यविधि चांडै नै र्सार्वजनिक गर्ने सोही कार्यक्रममा जानकारी गराएको छ । ईन्जाद्वारा स्थापना गरिएको ईन्जा अन्तराष्ट्रिय अवार्ड दुइ दिन अगाडि मात्रै हाम्रा कुरा डटकमका प्रधान सम्पादक अजयवावु सिवाकोटीलाई नेपालमा एक कार्यक्रम आयोजना गरी प्रदान गरिसकिएको छ । कार्यक्रममा इन्जाले आगामी दिनमा आफ्नोदीगोपनकालागि प्रस्तुत गरेको कार्ययोजनालाईसमुदायका प्रतिनिधिहरुले स्वागत गर्दै सहकार्यका लागि तत्पर रहने प्रतिवद्धता व्यक्त गरेका थिए ।
 

ईन्जाले आगामी दिनमा समुदायसंग सहकार्य गर्दै स्थानीयस्तरका आवश्यकता वोध गरी थपयोजनाहरु निर्माण र कार्यान्वयन गर्ने नीतिगत निर्णय लिएको जानकारी गराएको छ ।सो अवसरमा एक प्रभावकारी सन्देश पठाउनु हुंदै नेपालका लागि पूर्व अमेरिकी राजदूत एवं इन्गेजनेपालका अध्यक्ष स्कट डिलिसीले ईन्जाको मुख्य सल्लाहकार रहेर इन्जासंग सहकार्य गरीअगाडि बढ्न तयार रहेको बताउनु भयो ।
 

कार्यक्रममा भिजिट नेपाल २०२० को विश्वव्यापी प्रचारर प्रसारका लागि ईन्जाले फ्रेन्डस अफ ईन्जाका प्रतिक दाहाललाई ईन्जाका तर्फबाट अमेरिकावाट सगरमाथा बेस क्याम्पको भ्रमण गराई नेपालको पर्यटकिय विकासकालागि नेपाल भ्रमण गर्न आव्हान सहितको एकलाईभ भिडियो रिपोर्ट प्रस्तुत गरिएको थियो।
 

कार्यक्रममा उपस्थित अमेरिकाका लागि नेपाली राजदुत अर्जुनकुमार कार्कीले भिजिट नेपाल २०२० लाई सफल वनाउन भूमिका निर्वाह गर्न सम्पूर्ण नेपाली समुदायलाई आग्रह गर्नुभयो । आफु अस्थायी राजदुत भएको तर अमेरिकामा वसोवास गर्ने नेपालीहरु स्थायी राजदुतभएको चर्चा गर्दै राजदुतकार्कीले नेपालीले सुरु गरेका सही अभियानहरुलाई विदेशमा वस्ने नेपालीहरुले सहयोग पुर्याउनु पर्ने कुरामा जोड दिनुभयो ।
 

पर्यटन विकासका लागि नेपाल सरकारका डिसी मेट्रो क्षेत्रका प्रतिनिधि तथा अमेरिका नेपाल सोसाईटिका अध्यक्ष प्रभाभट्टराई देउजाले मर्यादित पत्रकारिता, समुदायमा ईन्जा कार्यक्रम, बाल संचारअन्तर्गतको “छुनुमुनु” कार्यक्रम लगायत ईन्जाले उठान गरेका एजेन्डाहरूले आफु प्रभावित भएको र ईन्जासंग सहकार्य गर्दै अगाडि बढने बचन बुद्दता व्यक्त गर्दै आफ्नो सस्थाका तर्फबाट १ हजार डलर सहयोगको घोषणा गर्नुभयो।
 

उक्त कार्यक्रममा गितकार अम्विका गुरूंगको पत्रकारमा समर्पित “ पत्रकार” नामक गिती एल्बम बिमोचनगरिएको थियो। उक्त गित प्रस्तुत गरिदा उपस्थित सवै पत्रकारहरू स्टेजमा आएर नॉचेका थिए। साथै गितकार अम्विका गुरूंगलाई उक्त गितका लागि ईन्जा परिवारलेहार्दिकधन्यवाद ज्ञापन गरेको थियो।
 

कार्यक्रममा सगुनका उप ब्यबस्थापक कविन्द्र सिटौलाले पत्रकार नामक कबिता पाठ गर्दै ईञ्जाको अभियान समुदायका लागि अत्यन्त महत्वपुर्ण रहेकोले सगुनका तर्फबाट १ हजार ५ सय डलर सहयोगको घोषणा
गर्नु भएको थियो।
 

ईन्जाको अवधारणाबाट पत्रकार र समुदायविचको सम्वन्ध र सहकार्यको महत्वलाई यस कार्यक्रम मार्फत प्रष्ट पारिएको भन्दै समुदाय प्रति पत्रकारहरूले गर्नु पर्ने कर्तव्यमा ईन्जाको यस अभियानलाई उपस्थित समुदायका व्यक्तित्वहरूले अत्यन्त सर्हानिय र प्रोफेसनल कार्यक्रम भनि प्रसंसा गरेका थिए।
 

संस्थाका संरक्षकहरु राम चन्द्र खरेल र योगेश उपाध्यायको स्वागत मन्तव्यबाट शुरू भएको कार्यक्रममा भिजिट नेपाललाई प्रवर्दन गर्ने सामग्रीहरु प्रदर्शन गरिएको थियो ।
 

ईन्जाको अवधारणा, नीति , कार्ययोजना तथा सस्थागत बिकासका लागी मार्गदर्शन तर्जुमा गर्ने ईञ्जाका बरिष्ठ उपाध्यक्ष सुनिल मणी दाहाल तथा ईञ्जा निर्देशक किशोर सापकोटालाई हार्दिक धन्यवाद दिदै ईञ्जाले उहाहरुको उच्च मुल्यांकन गरेको व्यहोरा संरक्षकद्दयले सभा हलमा जानकारी गराउनु हुदा सभाहलले तालि बाजाई अनुमोदन गरेको थियो।
 

कार्यक्रमलाई ब्यबस्थित वनाउन " फ्रेन्ड्सअफ ईञ्जा " का युवाहरु परिचालित थिए। अनलाईन रजिस्ट्रेसन, अनलाईन पेमेन्ट सिस्टम तथा रियल टाईम रिसिप्टको ब्यबस्थापनका लागि "फ्रेन्ड्स अफ ईञ्जा " को टिसर्ट लगाएका युवाहरु सभा हलमा खटिएका थिए।
 

कार्यक्रममा कोष संकलनका लागि बरिष्ठ उपाध्यक्ष बिष्णु शितल तथा महासचिब शिब विस्ट, अतिथि सत्कारका लागि निर्देशक बिष्णुशर्मा ,लजेस्टिककालागि कोर्डिनेटर भुपेन्द्रथापा तथा अनलाईन कभरेजकालागि कोषाध्यक्ष सृजन ताम्राकार , निर्देशक उमेश शर्मा (डिसीनेपाल डट कम ) , संचार निर्देशक बिजय थापा (ईनेपलिन), तथा निर्देशक सुनिल हुमागाई (डिसीनेपाल डट कम ) तथा निर्देशक दोब ढकाल खटिनु भएको थियो।
 

सो कार्यक्रममा नेपाली पाठशाला सेन्ट्रलभिलका बालबालिकाहरु र आदर्श नेपाली समाज हर्नडनका बालबालिकाहरुको नृत्य प्रस्तुत गरिएको थियो ।कार्यक्रमलाई सफल वनाउन जेन ट्राभल्स र वाटरफोर्डले समेत सहयोग पुर्याएका थिए । नेपाली वाल वालिकाहरुले नृत्य समेत प्रस्तुत गरेको कार्यक्रममा इन्जा अध्यक्ष गुणराज लुइटेलले समुदायको सहयोगकालागि हार्दिक धन्यवाद ज्ञापन गर्नु भएको थियो ।
 

कार्यक्रमको संचालन संचारकर्मी सुदिप पोखरेल र ईन्जा नेटवर्किंग प्रमुख बर्षा भुजेलले गर्नु भएको थियो । नेपालमा रहदा संचार क्षेत्रसंग आफ्नो ७ बर्षकोआबद्दताका बारेमा चर्चा गर्दै संचालक पोखरेलले मिडियाकर्मीहरुसंगको यस भेट्ले आफुलाई उत्साहित बनाएको भन्दै ईञ्जाले यति छोटो समयमा समुदायबीच पाएको माया र ईन्जा नेटवर्किङ्ग संचालनमा बर्षाभुजेलको लगनशिलताको बर्णन गरेका थिए।
 

धन्यवाद!
   

​​​​​​​​​​ईन्जा मुख्यालय

वासिंङ्टन डिसी, अमेरिका


image23
image24

‘ईन्जा साहसी पत्रकारिता पुरस्कार’ पत्रकार अजयवावु सिवाकोटीला

image25

 

प्रेस बिज्ञप्ति-   ‘ईन्जा साहसी पत्रकारिता पुरस्कार’ पत्रकार अजयवावु सिवाकोटीलाई

 

मिति: अक्टोवर ७ , २०१९

वाशिंगटन डि.सि


‘ईन्जा साहसी पत्रकारिता पुरस्कार’ यो वर्ष नेपालवाट सञ्चालित अनलाइन पोर्टल हाम्राकुरा डटकमका सम्पादक अजयवावु सिवाकोटीलाई प्रदान गरिने भएको छ।


नेपाली पत्रकारहरूको अन्तराष्ट्रिय संजाल  (ईन्जा) ले स्थापना गरेको ‘ईन्जा साहसी पत्रकारिता पुरस्कार’ यो वर्ष नेपालवाट सञ्चालित अनलाइन पोर्टल हाम्रा कुरा डटकमका सम्पादक अजयवावु सिवाकोटीलाई प्रदान गर्ने निर्णय गरेको छ।यो पुरस्कारको राशी १ हजार अमेरिकी डलर रहेकोछ।ईन्जा व्यवस्थापन समितिले नोभेम्वर १७,२०१९ का दिन अमेरिकाको राजधानी वासिंङ्टन डिसीमा एक भव्य समारोह आयोजनागरी सो पुरस्कार प्रदान गर्ने निर्णय गरेको छ।


हाम्रा कुरा डटकमले एक महिलामाथि यौन दुव्र्यवहार गर्ने निवर्तमान सभामुख कृष्ण वहादुर महरावारेको समाचार पहिलो पटक सार्वजनिक गरेको थियो।


नेपालमा सानालाई ऐन ठुलालाई चैन भन्ने मान्यता स्थापित हुंदै गएको समयमा सो समाचारले नेपालको मर्यादाक्रममा चौथों  स्थानमा रहेका सभामुख महरालाई राजीनामा गर्न वाध्य मात्रैवनाएनकि हाल उनीलाई आवश्यक कानुनी कारवाहीकोलागि प्रहरीले हिरासतमा समेत लिइसकेकोछ।


नेपाली पत्रकारिताको इतिहासमा सत्य र तथ्यमा आधारित भएर यस्ता साहसी समाचारहरु विरलै प्रकाशित भएका छन्।ईन्जा यो साहसी पत्रकारिताको सम्मान गर्न चाहन्छ र यस्ता समाचारहरुले कानुनी राज्यको व्यवस्थापनमा थप वल पुर्याउनेछ भन्ने विश्वास राख्दछ।


समाचार प्रकाशनसंगै सम्पादक सिवाकोटीको सुरक्षाप्रति गम्भीर चासो उत्पन्न भइरहेकोले ईन्जा उहांको सुरक्षा व्यवस्था मिलाउन नेपाल सरकारसंग आग्रह समेत गर्दछ।


अन्तमा, विजयादशमी २०७६ का उपलक्षमा ईन्जा सम्पूर्ण महानुभावहरूमा हार्दिक शुभकामना व्यक्त गर्दछ।

धन्यवाद!


​​​​​​​​​​ईन्जा मुख्यालय

वासिंङ्टन डिसी, अमेरिका


image26

 ईन्जाद्वारा मिडिया काउन्सिल विधेयकको निन्दा

मिति : मे ११, २०१९


अन्तरराष्ट्रिय नेपाली पत्रकार संघ (इन्जा) नेपाल सरकारबाट हालै संसदमा दर्ताभएको मिडिया काउन्सिल सम्वन्धी विधेयकले प्रस्तावित मिडिया काउन्सिललाई सरकार नियन्त्रित अंगका रुपमा स्थापित गर्नुका साथै स्वतन्त्रपत्रकारितामाथि अंकुश लगाउन सक्ने ठहरगर्दै यस कदम प्रति कडा आपत्ति जनाउन चाहन्छ ।

साथै नेपाल पत्रकार महासंघले नेपालमा शुरू गरेको दवाव र विरोधको कार्यक्रमप्रति इन्जाले एक्यबद्दता जनाएको जानकारी गराउंदै ईन्जाका सवै महादेशीय कार्यालय एवं सवै राजनीतिक दल, वुद्धिजिवी वर्ग र जनसाधारणलाई समेत यस अभियानलाई सहयोग प्रदान गर्न इन्जा अनुरोध गर्दछ ।

साथै ईन्जा उक्त विधेयक तत्काल फिर्ता लिई नेपालको संविधानको मूल भावना, प्रेस  तथा अभिव्यक्ति स्वतन्त्रता सम्वन्धी अन्तराष्ट्रिय मुल्य, मान्यताका आधारमा उक्त विधेयकका विवादास्पद दफाहरुलाई तुरुन्त संसोधन गर्न नेपाल सरकारलाई अनुरोध गर्दछ ।

इन्जा मुख्यालय ,
वाशिङ्गटन डिसी, अमेरिका

INJA delegate meets President Bidhya Devi Bhandari

image27

Gunaraj Luitel, chairman of INJA presenting a memorandum to Bidya Devi Bhandari, the president of Nepal

New York, (INJA News network) March 13. 2019


A delegation of the International Nepali Journalist Association (INJA) met Bidya Devi Bhandari, the president of Nepal, to inform the aim, objectives and the purpose of the organization. INJA submitted to her a memorandum about its expectations from Nepal government and its own commitment to strengthen Nepali journalists. 


President Bhandari was in New York, the headquarters of United Nations (UN), to attend the 63rd session of the Commission of the Status of Women (CSW-63). About 2 hundred Nepali Journalists are in the United States writing for different media. In the memorandum, INJA highlighted the current situation of Nepali journalists in the USA and the world. 


Gunaraj Luitel, chairman of INJA, informed to the president Bhandari about formation of INJA in Asia, Europe, America and Australia. President Bhandari congratulated the organization for connecting the Nepali journalists across the world. “President showed her concern about the situation of Nepali women journalist in the United States”, Sachchi Mainali, a member of delegation told to the INJA news network. Similarly, INJA communication Director Bijaya Thapa and INJA executive member Tara Bhattarai briefed to the president about the situation of Nepali online media. 


The INJA delegation was invited in the dinner program, hosted by Nepali Embassy in honor of president Bhandari. 

image28
image29

ईन्जाको अनुगमनमा सहयोग गर्न अनुरोध!

मार्च २, २०१९ 

अन्तराष्ट्रिय नेपाली पत्रकार  संघ (ईन्जा) ले सम्बन्धित क्षेत्रका विज्ञहरुको संलग्नता र सहयोगमा एनआरएनए अमेरिकाको सदस्यता वितरण, त्यसकालागि मॉग गरिएको अत्यन्त निजी तथा व्यक्तिगत विवरण, यसलाई लिएर भएको मत मतान्तर, आलोचना, विवाददेखि लिएर आसन्न एनआरएन अमेरिकाको चुनावसम्मका ईथिकल गतिविधिहरुको एक स्वतन्त्र अनुगमन गरिरहेको ब्यहोरा सवैमा जानकारी गराउन चाहन्छौं ।

हाम्रो स्वतन्त्र अनुगमनको दायरामा देहाय बमोजिमका पक्षहरु समेटिने छन्- 

१. सम्बन्धित विषयमा समाचार वा विचारको  प्रवाह, आसन्न एनआरएनएको निर्वाचनका लागी प्रत्यासी उम्मेदवार तथा सस्थासँगको झुकाव लगायतका बिषयमा सवै मिडिया र यिनले गरेका प्रचार प्रसारका सामाग्री , तिनको स्वरुप, आसय र सापेक्षता ।

२. एनआरएनए कार्यसमिति, सल्लाहकार समिति, एनआरएनए स्टेट च्याप्टरहरु, पदाधिकारीहरु र सवै उम्मेदवारहरूका निर्णय, विचार संप्रेषण र विषयबस्तु सम्बन्धि विविध गतिविधि !

३. एनआरएन आईसीसीर एनआरएनएको चुनावी आचारसंहिताको परिपालनाको अवस्था।

यो  अनुगमन र अनुसंधान कार्य पूर्णत: स्वतन्त्र र सन्तुलित हुनेछ । हामीलाई अनुगमनको लागि सूचना आउने क्रम जारी रहेको छ । हालसम्म हामीलाई सूचना र जानकारी दिनुहुने सबैलाई एकमुष्ठ धन्यबाद दिदै यदि तपाई पनि ईन्जाको यस स्वतन्त्र अनुगमनमा सहयोगी हुन चाहानु हुन्छ भने आफ्नो सूचना हाम्रो आधिकारिक इमेल info@injaglobal.org वा https://injaglobal.org/contact-us-1 मा गएर पनि पठाउन सक्नुहुनेछ ! 

डायस्पोराका हाम्रा नेपाली समाज र संस्थाहरुको संचालन गैर राजनीतिक, गैर नाफामूलक, पारदर्शी होस र नेतृत्व सत्प्रतिशत जवाफदेही एवं सेवामुखी होस् भन्न् अभिप्रायले यो कठीन अध्ययन र पेचिलो कामको शुरूवात हामीले गरेका छौं । अनुगमन र अनुसन्धान समूहले प्राइभेसी एक्ट,  ब्यक्तिगत र प्रेस स्वतन्त्रताका सीमा र दायरालाई उच्च महत्व दिने विश्वास दिलाउछौं । एक जनाले कन्फिडेन्सियल रूपमा दिएको सूचना अर्को जनालाई कुनै पनि हालतमा शेयर गरिने छैन। 

हाम्रो अनुगमनको प्रतिवेदन सार्वजनिक भएपछि यसले तत्कालिन रुपमा र भोलि दीर्घकालीन रुपमा पनि समस्याको समाधान गर्दै आदर्श प्रक्रिया, विधि र प्रक्रिया स्थापित गर्न मद्दत पुग्ने कुरामा हामी विश्वस्त छौं । 

सहयोगका लागी सवैमा धन्यवाद तथा आभार !


धन्यवाद,
ईन्जा मुख्यालय  

वाशिंगटन डिसी। 


CLICK HERE AND FIND THE FORM

image30

संबेदनशील सूचनाको गोप्यता र सुरक्षाबारे प्रेस विज्ञप्ति

फेरवरी ०५, २०१९
 

अन्तरराष्ट्रिय नेपाली पत्रकार संघ (ईन्जा) संसार भरि रहेका नेपाली पत्रकारहरुवीचमा मर्यादित पत्रकारिताको अभिबृद्धि र विकास गर्न जोड दिंदै यसको लागि आवस्यक नेटवर्क, स्रोत साधन र फोरम प्रदान गर्न कटिबद्द रहेको छ । 
 

गैर आवासीय नेपाली संघ (एनआरएन) ले संसार भरिका नेपालीहरुलाई यसको सदस्य बनाउदै आएको छ । यसको केन्द्रीय कार्यालय-आईसीसी देखि लिएर विभिन्न देशहरुमा गठन भएका यसका च्याप्टरहरुले आफ्ना सदस्यहरुको संबेदनशील सूचनाको गोप्यता र सुरक्षा कसरी प्रदान गर्दछ ,   सदस्य बनाउन आवस्यक पर्ने भनि लिईएका त्यस्ता सम्बेदनशिल डाटाहरु एनआरएन भित्र  कति सुरक्षित छन् भन्ने विषयमा अहिले सदस्यहरु र विज्ञहरु वीचमा बहस चलेको देखिन्छ । विषेशत: एनआरएन अमेरिका च्याप्टरले यसैपल्ट देखि लागू गरेको नयां सदस्यता फारममा सदस्यहरुबाट उनीहरुको आइडी र अन्य ब्यक्तिगत सूचना  राख्नै पर्ने ब्यबस्था गरे पछी   सदस्यहरुले आफ्नो महत्वपूर्ण ब्यक्तिगत सूचनाको सुरक्षा हुने ग्यारेण्टी नभएको भन्ने गुनासो सार्वजनिक रूपमा गरेका छन भने एनआरएनएले आस्वासन दिदै आफ्नो  वेवसाईटमा एस एस एल सर्टिफिकेट अन्तर्गत सदस्यहरुका संबेदनशील सूचनाहरु गोप्य र सुरक्षित रहने जानकारी दिएको छ। यस सम्बन्धमा अमेरिका हेडक्वाटर रहेको पत्रकारहरुको संस्था ईन्जाको ध्यानाकर्षण भएको छ ।
 

सस्थाको पहिचान र बिश्वासको मापन नै त्यस सस्थाको गतिबिधी र उपलब्धी हो । सस्था र सुमुदाय बिचको बढदो अविश्वाशको बाताबरण साच्चै नै चिन्ताजनक बिषय भएको ईन्जाको ठहर छ । यसै प्रसँग र बिषयमा एनआरएन अमेरिकाको क्षमता अभिबृद्दी गराउदै नेपाली समाजमा एक गरिमामय सस्थाका रुपमा स्थापित गराउन ईन्जाले आफ्नो तर्फबाट सुधारमुखी सुझावहरु पेश गर्न चाहान्छ । 
 

सर्वप्रथम त एनआरएनएले सदस्यता आवेदन प्रकृयालाई ब्यवस्थित बनाउन गरेको प्रयासको ईन्जा प्रशंसा गर्दछ । तथापी, समुदायको बिश्वाश जीत्दै सदस्यता बितरण कार्यक्रमलाई नियमित रुपले अगाडी बढाउन अनुरोध गर्दछ ।
 

साथै एनआरएनएले गरिरहेको सदस्यहरुको अति गोप्य डाटा संग्रह, डाटा भेरिफिकेसन, यसको प्रयोग र सुरक्षा प्रकृया सम्बन्धमा सदस्यहरुबीचबाट आएको गुनासोलाई ईन्जाले अति महत्वको विषयको रुपमा लिएको छ । Privacy Act र यो संग सम्बन्धित धेरै कोड एवं एेनहरु लागू भएको अमेरिका जस्तो मुलुकमा सदस्यहरुका Personally Identifiable Information (PII) सुरक्षित गर्नु कुनै ब्यक्तिको मात्र नभै सिंगो एनआरएनको दायित्व हुनुपर्ने ईन्जाको ठहर छ ।  यस सम्बन्धमा कम्तिमा पनि देहाय बमोजिमका सुरक्षा सम्बन्धी कदम चाल्न ईन्जा एनआनएनएलाई हार्दिक आग्रह गर्दछ ।
 

  • अहिले एनआरएनएले संकलन गरेका सूचनाहरु भित्री (एनआरएन) र बाहिरी(ह्याकरहरु)  दुवै पक्षबाट चोरिन र दुरूपयोग हुन सक्ने खतरा भएकोले Privacy Act को पूर्ण पालना गर्दै कुनै पनि conflict of interest नभएको Third Party लाई Data handling को जिम्मा लगाउने । 
  • डाटा भेरिफिकेसन वा डाटा एक्सेस गर्ने एनआरएनए भितर वा इतरका कुनै पनि ब्यक्तिको Full Background Check गर्ने साथै उनीहरुलाई Privacy & PII Handling Compliance Training गराउने एवं Compliance Document वा कानूनी कागजाजमा हस्ताक्षर गराउने यस्तो Background Check पास नभएका वा Compliance Document हस्ताक्षर नगरेका ब्यक्तिलाई अति गोप्य ब्यक्तिगत सूचनासम्मको पहुंच नदिने । 
  • IT Database मा राखिएका डाटाहरुलाई थप सुरक्षाको लागि Encryption गरेर राख्ने ! Conflict of Interest नभएका ब्यक्तिहरुलाई मात्रै Database access दिने । 
  • डाटा एक्सेस गर्न Double Authentication को पद्दतिलाई लागू गर्ने ! 
  • निर्वाचनमा जाने निधो गरेका ब्यक्तिहरुलाई यस्तो सूचनाको पहंच नदिने । 
  • गोप्य डाटामा संझौता नहोस, डाटा चोरी नहोस भन्नका लागि एनआरएनए र एनआरएन आइसीसी समेतको पहलमा एक बृहत्तर संहिता तयार गरी लागू गर्ने । 
  •  यस पटकको आसन्न निर्वाचन अघि नै यी सवै कुरा लागू हुन नसके पनि सदस्यहरुलाई उनीहरुको संबेदनशील सूचनाको गोप्यता र सुरक्षाको प्रत्याभुती दिई यस दिशामा तुरून्तै काम शुरू गर्ने 

अन्तमा, हाम्रा सुझावहरुलाई सकारात्मक रुपमा लिदै नेपाली समुदायको भावना अनुसार एनआरएन अमेरिका र आइसिसिले आगामी दिनमा काम गर्ने हामीले बिश्वाश लिएका छौ । 

धन्यवाद,
ईन्जा मुख्य कार्यालय
अमेरिका

image31

ईन्जा एसिया गठन

 फ्रेवअरी ०८, २०१९
 

अन्तराष्ट्रिय नेपाली पत्रकार संघ (ईन्जा) को एशिया च्याप्टर वरिष्ठ पत्रकार टंक पन्तको अध्यक्षतामा गठन भएको छ । ईन्जाको विधानले अन्तराष्ट्रिय समितिको उपाध्यक्षले क्षेत्रीय समितिको नेतृत्व गर्ने व्यवस्था गरेको छ । वरिष्ठ पत्रकार पन्त यस अघिनै अन्तराष्ट्रिय समितिमा एशिया क्षेत्रलाई प्रतिनिधित्व गर्दै उपाध्यक्ष हुनुहुन्थ्यो ।


नवगठित समितिको उपाध्यक्षमा नारायण न्यौपाने (नेपाल), आनन्द कोइराला (जापान), दीपक पुडासैनी (कतार) र मन्जु गुरुंग(कोरिया) रहनुभएको छ । समितिको महासचिवमा दीपेन्द्रदोङ तामाङ, सचिवमा दिपु पोख्रेल (खेमकुमारी) र कोषाध्यक्षमा रामकुमार कामत चयन हुनुभएको छ । समितिको सदस्यहरुमा दीपक समिर, विकास थपलिया, अर्जुन सापकोटा, अनिल आचार्य रहनुभएको छ । यो तदर्थ समिती हो ।


उपाध्यक्षहरुले आफू कार्यरत देश देशमा 'ईन्जाका साथी' (फ्रेन्डस अफ ईन्जा) गठन गर्ने बैधानिक ब्यबस्था भए अनुसार नेपाल, जापान, कोरिया र मध्यपूर्व (कतार) मा पनि 'ईन्जाका साथी' गठन हुने छन । यसप्रकार सम्वन्धित देशको कानून अनुसार गठन भएका ' ईन्जाका साथी ' का अध्यक्षहरु त्यस क्षेत्रको सम्वन्धित ईन्जाको छेत्रीय समितीको सदस्य हुने प्रावधान राखिएको छ। साथै अध्यक्षले छेत्रीय समितीमा पत्रकारका हक हितमा काम गर्दै आएका सस्थाबाट तीन जना मनोनित गर्न सक्ने प्रावधान समेत रहेको छ ।

महादेशीय वा देशीय ईन्जाहरुले ती देश वा आसपासमा गठन भएका फ्रेण्ड्स अफ ईन्जासँग समन्वय र सहकार्य गरी मर्यादित पत्रकारीताको बिकास तथा नेपाली भाषी पत्रकारहरुको हितमा काम गर्ने छन।


अन्तरराष्ट्रिय नेपाली पत्रकार संघ (ईन्जा) संसार भरि रहेका नेपाली पत्रकारहरु वीचमा मर्यादित पत्रकारिताको अभिबृद्धि र विकास गर्न जोड दिंदै यसको लागि आवस्यक नेटवर्क, स्रोत साधन र फोरम प्रदान गर्न स्थापित गैर-नाफामुलक, गैर-राजनितिक तथा गैर-सरकारी सामाजिक संस्था हो । 


धन्यवाद,
ईन्जा मुख्य कार्यालय
अमेरिका 

image32

प्रेस बिज्ञप्ति

 

 अप्रिल १ , २०१९


आईतवार साँझ आएको भिषण हावाहुरीले नेपालको प्रदेश नम्वर २ अन्तर्गत बारा, रौतहट र पर्सा जिल्लामा धेरै नागरिकहरुको अकल्पनीय मृत्युप्रति गहिरो दु:ख ब्यक्त गर्दै घटनामा मृत्यु हुने सबै नागरिकमा भावपूर्ण श्रद्दान्जलीका साथै शोक सन्तप्त परिवारजनमा हार्दिक समवेदना ब्यक्त गर्दछौँ।


साथै उक्त भिषण हावाहुरीमा परी घाईते भएकाहरुको शिघ्र स्वास्थ्य लाभको कामना गर्दै उद्दार तथा उपचारमा कुनै कसर नराख्न नेपाल सरकार लगायत सवै तह र तप्काका अगुवाहरूमा आग्रह गर्दछौँ।


ईन्जा मुख्यालय 

वाशिंगटन डिसी।अमेरिका